Apellidos Vascos y sus orígenes” liburuan honako hau adierazten da: Urdapilleta: urde – pilla, “urde (edo txerri) pila”, “urdalde (txerri-talde)”.

 

Bidanian eta Beizaman kokatu izan da abizen hori; izan ere, antzina, eremu horretako ezkur-larreetara joaten ziren Urolatik hasi eta Zarautzera bitarteko eremuko abeltzainak beren txerriekin udazkenean, han gaztainondo, pago eta haritz ugari zeudelako.

​

Gure “Elola Baserria” hain zuzen ere Bidania eta Beizamaren arteko mugan kokatuta dago.

​

Belaunaldiz belaunaldi gurasoek seme-alabei jakinduria, lanaren balioa eta lur honenganako maitasuna helarazi izanak harro sentiarazten gaitu eta, aldi berean, gutxienez 1550. urtetik jasotakoaren arduradun; izan ere, jakin badakigu urte horretan Joanes Urdapilletak gobernatzen zuela Bidaniko Elola baserria. “Elola baserriaren” historiaren hasiera honako hau da, guk dakigula: Joanesen eskuetatik Gracianen eskuetara igaro zela 1580. urtean; bestalde, azken eskualdatzea 1992an gertatu zen baserria Paulinoren eskutik Pelloren eskuetara igaro zenean.

​

Horrela bada, 1550. urtetik Urdapilleta batek gidatu du munduaren zatitxo hau.

​

Bestelako eginkizunetan ibil gintezkeen baina Euskal Txerriaren barru-barruko deiari erantzun genion.

​

Hori dela-eta, gure oraingo desioa Euskal Txerria zurekin partekatzea eta dastatzea da.